 |
| San Karlu Borromeo jqarben. |
Wara li aktar kmieni din is-sena konna tkellimna fuq wieħed miż-żewġ qaddisin
patruni ta' Pro Tridentina (Malta), jiġifieri San Filippu Neri, illum imissna nitkellmu fuq San Karlu Borromeo. Il-festa
liturġika ta' Borromeo tiġi ċċelebrata f'dan il-jum (kemm fil-Forma
Ordinarja u dik Straordinarja). Ħajtu fil-qosor:
SAN KARLU BORROMEO, Isqof u Konfessur li twieled f'Aron,
l-Italja, fit-2 ta' Ottubru, 1538. Iben il-Konti Gilbert Borromeo u Margerita
Medici. Ħa l-edukazzjoni tiegħu għand il-Benedittini. Fl-1559, zijuh, ħu ommu,
ġie elett Papa li ħa l-isem ta' Piju IV. Is-sena ta' wara dan il-Papa ħatar lil
Karlu Segretarju tal-Istat u għamlu Kardinal u amministratur tas-sede ta' Milan.
Fost ix-xogħol li wettaq insibu l-għajnuna kbira li ta lill-Papa jlaqqa'
l-Konċilju ta' Trento fl-1562, li kien ilu sospiż għaxar snin. Karlu kellu sehem
kbir fit-tfassil tad-dokumenti tal-Konċilju. Fl-1563 ġie kkonsagrat Isqof ta'
Milan. Huwa ħadem ħafna biex irriforma l-Knisja, waqqaf seminarji, kif ukoll
il-Konfraternita' tad-Duttrina Kristjana għat-tagħlim tat-tfal u nkoraġġixxa
lill-Ġiżwiti biex ikabbru l-ħidma tagħhom f'Milan. Ta' sehem sħiħ biex iġġieled
lill-protestaniżmu u bosta Kattoliċi reġgħu lura fi ħdan il-Knisja wara li kienu
telquha. Miet f'Milan fl-4 ta' Novembru 1584. Ġie ddikjarat qaddis fl-1610.
No comments:
Post a Comment